Қырғызстанның әскери прокуратурасы Күдебаевтың ісін тергеуге көшті

Қырғызстанда әскери прокуратура Алматы облысы полиция департаментінің бұрынғы бастығы Серік Күдебаевтың шекара арқылы заңсыз өткізу фактісі бойынша қылмыстық істі тергеп жатыр. Бұл туралы 24.kg хабарлады.

Алматы облысы полиция департаментінің бұрынғы басшысы шекараны заңсыз кесіп өткені нақтыланды.

Растауды талап ететін ақпаратқа сәйкес, шекара қызметінің әскери қызметшісі Күдебаевтың Қырғызстан аумағында болуын заңдастырып берген.

«Серік Күдебаев Түркияға Манас әуежайы арқылы ұшып кетті. Әскери прокуратура заңсыз көші-қон фактісі бойынша қылмыстық іс қозғады. Қазір бұл іс бойынша төрт адам тергеуден өтіп жатыр. Олар Бішкектің тергеу изоляторына қамалды» деп жазылған хабарламада.