Қырғызстан президенті Жапаров Ресейдегі қырғыз мигранттарының жұмыссыз қалатынына алаңдаулы

Өздігінен жүретін таксилер қырғыз мигранттарын жұмыссыз қалдыруы мүмкін, деп алаңдайды Қызғызстан президенті  Жапаров мырза.

Қырғызстандықтарды жұмыссыз қалдыратын жасанды интеллект туралы алаңдаушылықты көшедегі көк атты емес, білдей бір министрлер кабинетінің төрағасы білдірді.

Қырғызстанда ақпараттық технологиялар форумында (KIT) Ақылбек Жапаров Мәскеуде болған оқиға туралы айтты. 24.kg жазғандай, әңгіме СберУниверситетінің (Ресей Федерациясындағы ең ірі финтек компаниясы, бұрынғы Сбербанк) кампусына барғаны туралы болып отыр.

«Маған жүргізушісі жоқ көлік келіп, керек жерге апарды. Бес минуттық қысқа сапарда менің қауіпсіздігім жасанды интеллектің қолында болды. Тәжірибе әдеттен тыс еді. Менен бұрынғы жолаушылар да технологиялық ғажайыпқа тәнті болған шығар. Бұл шынымен де ғажап, бірақ таяу болашақта Мәскеуді жүргізушісіз таксилер басып қалуы мүмкін. Бұл біздің көптеген мигрант азаматтарымыз жұмысынан айырылып қалуы мүмкін. Бұл біз үшін болмай қоймайтын сынақ», – деді Ақылбек Жапаров.

Дегенмен, саясаткер «жасанды интеллект әр адамға біз күтпеген дағдыларды береді» деп есептейді. Атап айтқанда, ол БАҚ-қа тоқталды, оның пікірінше, адамды жасанды интелектпен ауыстыруға болады.

«Мысалы, Британдық Баспасөз Ассоциациясы айына 30 000-ға жуық жаңалық жазу үшін жасанды интеллекті пайдаланды. Алдағы жылдары жаңалықтар, басылымдар, мақалалар мен талдаулардың 90 пайызы журналистер мен жазушылар арқылы емес, жасанды интеллект арқылы жасалады деп күтілуде», - деді ол.

Оның айтуынша, көп ұзамай жасанды интеллект технологияларымен өмір сүре алмайтын және әрекеттесе алмайтын адамды сауатсыз деп атауға болады.