Қырғызстан мен Тәжікстан шекарасындағы қақтығыс

Қырғызстан мен Тәжікстан шекарасындағы қақтығыс төрт күн бұрын басталып, сенбі күні ушыға түсті.

• Тараптар атысты тоқтату туралы жариялады.

• Қырғыз тарапы 24 адамның қаза тапқанын, 124-інің жараланғанын, тағы 136 азаматтың шекаралық аймақтардан эвакуацияланғанын хабарлады.

• Тәжікстан жеті адам қаза болып,  14 адам жараланғанын мәлімдеді.

• Баткен облысында (Қырғызстан) төтенше жағдай жарияланды.

• «Қырғызстан өз жерінің бір шаршы метрінен де бас тартпайды және ұлттық мүддені табанды түрде қорғайды» деп мәлімдеді  Қырғызстан президенті Садыр Жапаров.

• Тәжікстан президенті Эмомали Рахмон әлі шекарадағы жағдайға қатысты пікір білдірген жоқ.

• Қырғызстан да, Тәжікстан да кіретін ҰҚШҰ қақтығысты «келіссөз үстелінде» шешуге шақырды. Ұжымдық қауіпсіздік шарты ұйымының хатшылығы әзірге әскери жағдайды реттеуге ешқандай қадам жасаған жоқ.

Соңғы жиырма жылда Қырғызстан мен Тәжікстан шекарасында жүзге жуық қақтығыс болды. Құрбан болғандар саны артып, тараптардың қарым-қатынасы шиеленісіп барады.