Қырғыз-тәжік шекарасындағы қақтығыс: қаза тапқандар саны 36-ға жетті

Баткен облысындағы қарулы қақтығыс салдарынан қаза тапқандардың жалпы саны 36 адамға жетті, деп хабарлайды 24.kg.

Сағат 10.00-де Баткен облысынан алынған жедел ақпарат бойынша, тағы 12 қаза тапқан адамның мәйіті Баткен денсаулық сақтау ұйымдарына жеткізілген.

«Денсаулық сақтау министрлігі баспасөз орталығының мәліметінше, Баткен облысында қарулы қақтығыс салдарынан қаза тапқандардың жалпы саны 36 адамға жетті. Денсаулық сақтау ұйымдарында 129 зардап шеккен, оның 7-і амбулаторлық емделуге жіберілді, 79 адам. Бішкекке ауыстырылды»  деп хабарлайды басылым.

Еске салайық, жарияланған бітімге қарамастан Қырғызстан мен Тәжікстан шекарасында атыс қайтадан басталған. Тараптар бір-бірін шабуыл жасады деп айыптайды.

14 қыркүйек күні таңертең Баткен облысының Бұлақ-Башы аумағында қару қолданылған қақтығыс болды. Қырғызстанның үш азаматы зардап шекті, олардың арасында 11 жасар бала бар.