Қырғыз халқы наразылық шеруге шықты

Қырғызстан Парламенті ғимаратына 2010 жылғы және 2005 жылғы революцияға қатысушылар, сондай-ақ олардың туыстары жиналып наразылық білдірді.

Жиналғандар мемлекеттік арнаның журналисі Қадыр Қошалиевтің қашқын президенттер Бақиев пен Ақаевтан сұхбат алғанына наразы. Олардың айтуынша, елде Бақиевті ақтау әрекеті жүріп жатыр.

«Қошалиев Бақиевтен сұхбат алуға және оны экс-президент деп атауға кімнен рұқсат алды? Ол Бақиевтің кісі өлтіргені үшін кінәсі сотта дәлелденгенін білмей ме? Бақиев келмесін, біз оны күтпейміз» дейді митингке қатысушылар.