Қылмыстық шырғалаң шешіле ме?

Кешеден бері әлеуметтік желілерде қылмыстық істер мен ықпалды адамдардың ұсталғаны туралы әлі расталмаған хабарламалар легі таратылып жатыр.

Алдымен, сенбі күні Назарбаевтың ықпалындаа болған Бауыржан Байбекке Алматы қаласының әкімі қызметіне байланысты  қылмыстық іс қозғалғаны туралы ақпарат тарады.

Бүгін олар Қауіпсіздік кеңесі төрағасының бұрынғы бірінші орынбасары Марат Шайхутдиновтың  «тыңшылық және мемлекеттік құпияны жариялады»   деген күдікпен ұсталғаны туралы жаза бастады. (Мұндай тергеу жүргізіліп жатқаны туралы бейресми түрде сәуір айында, Шайхутдинов жұмыстан босатылғаннан кейін көп ұзамай хабарланған болатын).

Бір-екі сағаттан кейін телеграм арналарында Қарағанды ​​облысындағы ықпалды тұлға, Мәжілістің бұрынғы спикері Нұрлан Нығматуллиннің ағасы Ерлан Нығматуллиннің ұсталғаны туралы ақпарат тарай бастады. Ағайындылардың екеуіне де қатысты алаяқтық, салық және кедендік төлемнен жалтару күдіктері бойынша тергеу жүргізілуде. Алайда  Нұрлан Нығматуллин 7 қыркүйекте әуежайда түсірілген суретке қарағанда, сол күні желіні шулатқан Асқар Мамин және Әділбек Жақсыбеков үшеуінің  кездесуінен кейін бірден БАӘ-не ұшып кеткен.

Бұл хабарлардың барлығы бейресми ақпараттың анонимді көзіне не әлде бір органға сілтемесіз берілген.

Аталған жағдай бойынша ресми растаулар мен түсініктемелер жоқ. Бір күн бұрын Бауыржан Байбекке қатысты сауалымызға құқық қорғау органдарының түгелге жуығы ондай іс бізде жоқ деп жауап берді. Сонымен, егер бұндай іс бар  болса, онда ведомствоаралық тергеу-жедел тобында болуы ықтимал.

Ал, біз өз кезегімізде осы оқиғалардың жай-жапсарын қадағалайтын боламыз.