Құқық қорғаушы Қарақат Әбденді парламенттен шығаруды талап етті

cover

Құқық қорғаушы, NeMolchi.kz қорының жетекшісі Дина Смайылова Мәжіліс депутаты Қарақат Әбденнің шетелдік жігіттерге тұрмысқа шығатын қазақстандық әйелдерге салық салмақшы екенін айтты.

Дина Таңсәрі Қарақат Әбденге қарсы петиция жасайтынын айтып, оны парламенттен шығаруды талап етті.

«Мен грузинге тұрмысқа шыққан қыздың анасы ретінде мұны сотқа беру керектігін айтқым келеді!
Бұл этникалық кемсітушілік! Мен сыйламайтын мына ханым адам құқығынан хабары бар ма? Мен петиция құрып, оны Қазақстан Парламентінен шығаруды талап етемін! Ел конституциясын бұзғаны үшін» деп жазды құқық қорғаушы Facebook-те.

Бұған дейін депутат Қарақат Әбден депутат ретінде Мәжілісте шетелдіктерге тұрмысқа шыққандарға салынатын салықты насихаттайтынын айтқан болатын.

Қазақстан президенттігіне экс-кандидат Қарақат Әбден сайлау додасы кезінде де Қазақстанда шетелдіктермен некеге тұратындарға салық енгізгісі келетінін айтты.

Әбден мұндай шара қазақ қыздарының шетелге кетуін тоқтататынына сенімді.

Жаңалықтар

барлық жаңалықтар