Құқық қорғаушы Конституцияға өзгерістер енгізу үшін комиссия құруды талап етеді

Құқық қорғаушы Маржан Аспандиярова Конституцияға өзгерістер мен толықтырулар енгізу жөніндегі комиссия құруды, сондай-ақ сайлау комиссияларын отставкаға жіберуді, ал полиция қызметкерлерінің  түсініктеме беруін талап етті.

«Халық парламенті» отырысында құқық қорғаушы Маржан Аспандиярова өткен сайлаудан кейін барлық деңгейдегі сайлау комиссиялары отставкаға кетуі керек деген ұсыныс айтты. Ол сондай-ақ Қазақстанның құқық қорғау органдарының өкілдері Мәжіліс пен мәслихат депутаттығына экс-кандидаттармен сөйлесуді талап етеді. Оның пікірінше, олар 19 наурыздағы дауыс беру кезінде орын алған көптеген заң бұзушылықтарға қалай көз жұмғандарын түсіндіруі керек.

Аспандиярова сондай-ақ сайлау комиссиялары мүшелеріне «Халық парламентіне» өздеріне қысым көрсету мен мәжбүрлі түрде жасалған заң бұзушылықтар туралы хабарлауды сұрады.

«Біздің баратын жеріміз жоқ, біз осы елде тұрамыз, осында қаламыз және оны өзгертеміз», - деп қосты құқық қорғаушы.

Маржан Аспандиярова сондай-ақ  Конституцияға өзгерістер мен толықтырулар енгізу үшін комиссия құруды талап етуде.

Еске салайық, бүгін Алматыда «Халық парламенті» отырысы өтіп жатыр - оның құрамында Мәжіліс пен мәслихат сайлауы әділетсіз өтті деп есептейтін тәуелсіз кандидаттар бар.