Құқық қорғау органдарының 150-ге жуық зейнеткері заңды талап қойды

Қаңтардың 21-і күні Алматыда еліміздің барлық өңірлерінен құқық қорғау органдарының бұрынғы қызметкерлері жиналып, базалық зейнетақы төлемдерін қайтаруды, зейнетақысын алуға мүмкіндік беруді, сондай-ақ сапалы медициналық көмек көрсетуді талап етті.

Еске салайық, экс-қызметкерлер Алматыдағы Республика алаңындағы митингке шыққысы келген. Бірақ қала әкімшілігі рұқсат бермеді. Нәтижесінде, Orda.kz тілшісінің хабарлауынша, зейнеткерлер қорғаныс, еңбек және халықты әлеуметтік қорғау министрліктерінің өкілдерімен кездесуге «Алатау» дәстүрлі өнер театрына шақырылды.

— Біз мемлекет қамтамасыз етеді деп ойладық. Ұзақ жылдар бойы еліміздің игілігі үшін қызмет еттік. Барлық заң талаптарын орындадық, жарғы бойынша жүрдік. Ұзақ жылдар бойы өз мемлекетін қорғап келген азаматтар енді өз құқықтары мен мүдделерін қорғау үшін мемлекетке өтініш айтуына тура келіп отыр. Бұндай бассыздыққа  жол берілмейді деп сенеміз. Біз мемлекетке алақан жайып отырған жоқпыз, адал еңбекпен тапқан ақшамызды сұраймыз, - деді жиында 32 жыл еңбек өтілі бар зейнеткер Әлия Оспанова.

Жиналғандардың негізгі талаптары: базалық зейнетақы төлемін қайтару және қалған зейнетақы жинақтарын жеке зейнетақы шоттарынан ешқандай қосымша шарттарсыз алуға мүмкіндік беру. Сонымен қатар, зейнеткерлер шенеуніктерге Ішкі істер министрлігі қызметкерлеріне қалыпты медициналық көмек пен ауруханалардың жоқтығын айтты. Сондай-ақ олар зейнетақы төлемдері мәселесімен айналысатын жұмыс тобына қосылуын талап етуде.

— Базалық зейнетақыны не үшін сұрайсыз? Өйткені зейнетақы мөлшері сізді қанағаттандырмайды. Мен әріптестеріме күш құрылымдарының зейнетақымен қамсыздандыру мәселесін базалық зейнетақымен емес, индекстеу, қайта есептеу немесе басқа да тәсілдермен шешуді ұсынамын. Ол жерде  әртүрлі топтар бар және үйлесімсіздік бар, - деді ҚР Еңбек және халықты әлеуметтік қорғау вице-министрі Назгүл Сағындықова.

Кездесу әлі жалғасуда.