ҚТЖ теміржолшылардың еңбекақы жүйесін қайта қарады

«Қазақстан темір жолы» қызметкерлерінің жалақысы бұдан былай аудандық коэффициентке байланысты төленеді.

«Қазақстан темір жолы» ҰК» АҚ баспасөз қызметі жалақы жүйесіндегі өзгерістерге қатысты былай деп түсіндірді:

«Бұрынғы «ҚТЖ» ҰК» АҚ-ның еңбекақы төлеу жүйесі тарихи қалыптасқан учаскелік коэффициенттерге негізделді, олар тіпті бір аймақтың ішінде өзгеріп отырды (бір аймақта 4 коэффициентке дейін). Осыған байланысты сол аймақтағы жақын орналасқан бөлімшелердің қызметкерлері бір жұмысы үшін әртүрлі мөлшерде жалақы алатын.

Жаңа жүйені әзірлеу 2021 жылы басталды. Үстіміздегі жылдың 15 қазанынан бастап сол өңірдегі теміржолшылардың еңбекақысы бірыңғай аймақтық коэффициент арқылы есептеледі.

Өзгерістер төменгі аудандық коэффициенттерде жалақы алған 68 мыңнан астам қызметкерге қатысты болады.

Толық ақпаратты теміржолшылар жұмыс орны бойынша жалақы бойынша мамандардан және компанияның ресми сайтынан ала алады.