QR кодты оқуға арналған сканерден қауіпті вирус табылды

Троян Android гаджеттерінің иелері қолданатын QR кодтарын оқуға арналған қосымшадан табылды. Бағдарлама Google Play платформасында 10 миллионнан астам рет жүктелген, деп хабарлады Lifehacker.

Бұл штрих-код сканері қосымшасы. Ол Google Play-ден алынып тасталынды. Онда отырған троян вирусы қолданушыларды қауіпсіздік мәселелері туралы хабардар етіп, Cleaner бағдарламасын жүктеуді ұсынған күмәнді сайтқа бағыттады.

Сканерді жасаушылардың айтуы бойынша вирус қосымшада жақында пайда болды. Бұған дейін олар оны басқа компанияға сатқан.