Қостанайдағы мұз басқан жаңа ғимараттар: әкімдік оқиғаға қатысты түсініктеме берді

Әлеуметтік желілерде Қостанай қаласындағы Құнай ықшам ауданындағы жаңа ғимараттардағы пәтерлер еденінен тура төбеге дейін шаншылған мұз түсірілген суреттер пайда болды.

Қостанай қаласының әкімдігі жағдайға қатысты пікір білдірді.

«Құнай шағын ауданындағы №2, 3 (жарылыс болған) үйлер туралы айтатын болсақ,  құрылысты мердігер ұйым «Марал Құрылыс» ЖШС жүргізді. Қазан айында шарттық міндеттемелерді орындамағандықтан аталған ұйыммен келісім-шарт бұзылды, ұйым мемлекеттік сатып алудың жосықсыз қатысушысы деп танылды. Құрылысты аяқтау үшін жаңа мердігер анықтау мерзімінде жасалған келісім-шарт бойынша үйлердің қауіпсіздігін «Нұр сақшы» күзет мекемесі қамтамасыз етеді. Үйлерді тексерген кезде жылу тек жертөледен басталғаны анықталды. Жылу жүйесінен су ағып кетті» деп түсіндірді әкімдіктегілер.

Қалалық құрылыс бөлімі түзету шараларын қабылдағаны анықталды, ол 13 желтоқсанда аяқталады деп жоспарланған.

«Осы оқиға туралы хабарламаған қауіпсіздік ұйымына қатысты шағым жұмыстары басталды. Қазіргі уақытта бұл үйлердің құрылысын аяқтау үшін мемлекеттік сатып алулар жарияланды, мердігер анықталғаннан кейін тұрғындар көшкенге дейін барлық кемшіліктер жойылады» деп атап өтті қала әкімдігі.