Қостанай облысындағы төрт мектепке Абай есімі берілді

Қостанай облысында төрт мектепке қазақтың ұлы ақыны Абай Құнанбаевтың есімі, тағы бес мектепке Алаш Орда көшбасшыларының есімдері берілді.

«Келесі білім беру ұйымдарына жаңа атаулар бекітілсін:

«Қостанай қаласы білім бөлімінің № 27 орта мектебі — «Қостанай қаласындағы Абай атындағы мектеп; «Жітіқара ауданы білім бөлімінің № 3 мектеп-лицейі»  — Абай атындағы Жітіқара мектеп-лицейі; «Лисаков қаласындағы № 3 орта мектебі»  — Лисаков қаласындағы Абай атындағы мектеп; «Рудный қаласындағы № 18 орта мектебі»  — «Рудный қаласындағы Абай атындағы мектеп; «Қостанай қаласындағы № 29 орта мектебі»  — Қостанай қаласындағы Әлихан Бөкейхан атындағы мектеп , «№ 29 орта мектебі» — «Қостанай қаласы Ахмет Байтұрсынұлы атындағы мектеп, «Рудный қаласындағы № 15 орта мектебі» — Міржақып Дулатұлы атындағы орта мектеп» делінген үкімет қаулысында.

Министрлер кабинеті сондай-ақ, келесі білім беру ұйымдарының атын өзгерту туралы шешім қабылдады:

• «Қостанай облысы Амангелді ауданындағы Н.Крупская атындағы орта мектебі» — «Жұматай Сабыржанұлы атындағы негізгі орта мектеп»;
• «Арқалық қаласындағы Родинская орта мектебі»  — «Әлихан Бөкейхан атындағы орта мектеп»;
• «Рудный қаласы білім бөлімінің № 2 Качарский орта мектебі»  — «Әлихан Бөкейхан атындағы орта мектеп»;
• Қостанай облысы Қарасу ауданындағы мемлекеттік тілде оқытатын Қарасу орта мектебі»  — «Ыбырай Алтынсарин атындағы орта мектеп» болып өзгертілсін.