Қостанай облысындағы су қоймаларында аққулар қатып қалған

Облыста ауа температурасының тұрақты төмендеуі байқалады, түнде су қоймаларының үстін қырау басып, жұқа мұз қыртысымен жабылады.

Қатқан аққуды KН тілшілері таңертең Сарыкөл ауданында тауып алған. Түнде суға қос аққу қонған көрінеді. Ал күннің шығуымен құстардың бірі адамдарды көргенде көтеріле алмады, себебі  ол қатып қалған. Дегенмен, биологтар мұны әдеттегі құбылыс деп атады.

«Жылдың осы мезгілінде болып тұратын құбылыс. Мүйізіне  мұз қатып қалған  еліктер қар мен жаңбырдан кейін жосып жүреді. Қаласаңыз, мейірімділік танытып,  мұздан ажыратыңыз. Әрине, бұндай әрекеттердің сіздің өміріңізге қауіпті екенін түсіну қиын емес. Оның ішінде аққу мен қаздар арасында ауыр салмақтылары да  болады. Ол өзіне жақындағандарды қанатымен қатты ұрып, жарақаттай алады. Ондай кезде адамның  сүйегі сынып кетуі мүмкін.  Тіпті өлім аузында жатқан аққудың өзі өте күшті қарсылық танытады. Бұл жерде біз құс ауруы туралы емес, апат туралы айтып отырмыз: құс қалғып кетіп, сол кезде үсік шалып немесе мұз қатып қалуы мүмкін», - деді биолог Андрей Андрющенко тілшілерге.

Биолог құстарға қауіп төніп тұрған жоқ деп есептейді, жұптың біреуі бос, ол екіншісін құтқармай ешқайда кетпейді.

Айта кетейік, синоптиктер өңірде түнде -4-5 градусқа дейін аяз болады деп болжап отыр. Бұл ретте күндіз, керісінше, жылыну + 10-12 градусқа жетеді. Сондай-ақ облыстың батысы мен оңтүстігінде екпіні 23 м/с жел соғады деп күтілуде.