Қостанай облысындағы Президент резиденциясы оңалту орталығына айналады

Онда психоневрологиялық патологиясы бар және тірек-қимыл аппараты бұзылған балалар емделеді.

Қостанай облысындағы президент резиденциясының базасында мүмкіндігі шектеулі балаларға арналған оңалту орталығы ашылады. Онда психоневрологиялық патологиясы бар және тірек-қимыл аппараты бұзылған облыстың кішкентай тұрғындары емделеді.

Жаңа орталық денсаулық сақтау және әлеуметтік оңалту шараларын жақсартуға бағытталған қажетті қызметтер кешенін ұсынатын болады. Балалар онда екі апта емес, 21 күн болады.

«Орталықта жыл сайын 1,5 мен 18 жас аралығындағы кем дегенде 900 мүмкіндігі шектеулі бала оңалтудан өтеді. Мекемеде логопед, дефектолог, реабилитолог, сонымен қатар массаж, физиотерапия жаттығулары, гидротерапия қызметтері көрсетіледі. Тұрғын үйді қайта жабдықтау үшін ғимаратты мүмкіндігі шектеулі балалардың жайлы тұруы үшін барлық қажетті заттармен жабдықтауға, сондай-ақ оңалту құралдарын сатып алуға жергілікті бюджеттен тиісті қаражат бөлу жоспарлануда» деп хабарлады Қостанай облысының әкімдігі.

Ағымдағы жылы тұрғын үйді қайта жаңғыртуға және құрылыс-монтаж жұмыстарын бастауға ЖСҚ әзірлеуге қаражат бөлінеді.

Еске салсақ, Қостанай облысында психоневрологиялық патологиясы мен тірек-қимыл аппараты бұзылған екі мыңға жуық бала тұрады. Олар әзірге тек облыстық оңалту орталығында ғана қызмет алуда. Өткен жылы онда 191 бала екі апталық оңалтудан өткен.

Президент олардың резиденцияларын Ақтау, Атырау, Ақтөбе, Қостанай және Тараз қалаларындағы әкімдіктерге халықтың мұқтажы үшін беруді тапсырғаны туралы ақпарат 7 ақпанда пайда болды.