Қостанай облысында өртенген орманда 1 миллиард теңгенің ағашы кесілді

Орталық коммуникациялар қызметінде өткен брифингте аймақ басшысы Құмар Ақсақалов облыста былтыр өртеніп кеткен 30 мың гектар орман ағашының кесіліп жатқанын айтты, деп хабарлайды Orda.kz. тілшісі.

Әкім қазірдің өзінде өртенген орманды кесуден орман шаруашылығы есебіне 1 миллиард теңгеден астам қаржы түскенін атап өтті. Бұл қаржыға өрт сөндіру машиналары, тракторлар мен техникалар сатып алынады.

«Бүгінде 14% ағаш кесілді, тиісті комитет рұқсат береді. Қалған ағаштарды жеделдетіп кесу керек, әйтпесе 3-4 жыл ішінде жарамсыз болып, еш жерде пайдалану мүмкін болмай қалады. Сондықтан барлық компанияларды осы жұмысқа тез арада атсалысуға шақырамыз», – деді Құмар Ақсақалов.

Осы ретте әкім өртенген орманды кесумен қандай серіктестіктер айналысып жатқанына жауап бере алмады, олардың арасында тек шағын кәсіпорындар бар екенін ғана айтта алды.