«Қорғас» және тағы екі арнайы экономикалық  аймақтың  аумағы қысқартылады

Инфрақұрылымдық шығындарды үнемдеу мақсатында «Қорғас» АЭА және тағы екі аймақтық аумақтар қысқартылады.

Инфрақұрылымдық шығындарды үнемдеу мақсатында «Қорғас» шекара маңы ынтымақтастығы халықаралық орталығы (ШЫЫО) арнайы экономикалық аймағының (АЭА) және тағы екі аймақтың аумақтары қысқартылуда.

«Қорғас» ШЫХО» АЭА туралы ереженің 1-бөлімінің 1-тармағының үшінші бөлігі мынадай редакцияда жазылсын: «АЭА аумағы 491,82 гектарды құрайды және Қазақстан Республикасы аумағының құрамдас бөлігі болып табылады» деп жазылған Үкімет қаулысының жобасында.

Дәл осындай жоба бойынша «Ақтау теңіз порты» АЭА аумағын 2140 гектардан 1563,5 гектарға, ал «Астана-Технополис» АЭА аумағын 736,62 гектардан 688,6 гектарға дейін қысқарту жоспарлануда.

Түзетулердің негіздемесі  премьер-министрдің бірінші орынбасары Роман Скляр бекіткен АЭА тиімділігін арттыру және басқарушы компаниялардың персоналын нығайту жөніндегі жол картасының тармақтарын орындау мақсатында ұсынылғаны айтылған.

«Инфрақұрылыммен қамтамасыз етілмеген аумақтарды АЭА құрамынан шығару ұсынылып отыр. Бұл инженерлік-коммуникациялық инфрақұрылымды салуға қаражатты үнемдеуге және басталған нысандардың құрылысын аяқтауға назар аударуға мүмкіндік береді» делінген негіздемеде.