Қордайдағы  жаңа бақылау-өткізу бекеті тауар құнын арзандатады

Қордай ауданындағы жаңа бақылау-өткізу бекеті импорттық өнімдердің құнын арзандатады, деп атап өтті  ҚР Премьер-Министрдің орынбасары   –  Сауда және Интеграция министрі Серік Жұманғарин.

Қазақстан мен Қырғызстан шекарасында жаңа өткізу бекетінің салынуы делдалдардың санын азайту арқылы тұтынушылар үшін тауар құнын төмендетуге мүмкіндік береді. Бұл жеткізу уақытының қысқаруына да әсер етеді.

Қоймалар мен өндірістік үй-жайлар нысан аумағында орналасады. Кешеннің өзі Қазақстан мен Қырғызстан кәсіпкерлері арасындағы бизнес хаб қызметін атқарып, өнімнің негізгі тұтынушылары Алматы, Бішкек және Тараз қалаларының тұрғындары болмақ.

«Қарасу» және «Ақ тілек» өткізу пункттерінің аумағында өндірістік сауда-логистикалық кешен салынады.

Жамбыл облысының әкімдігі құрылысқа 39 гектар жер телімін бөлді.