Қордай ауданында ЖШС басшысын ауыстыру мәселесі алты жыл қаралды

2017 жылдан бері Жамбыл облысы, Қордай ауданы, Ноғайбай ауылында орналасқан «Ақтас Қордай» ЖШС-нің үлескерлері арасында директор Қаныбек Спановты ауыстыру туралы дау туындаған.

Бұған дейін ауыл тұрғындары серіктестіктен жалға алған жер телімдерін ала алмаған. Ауыл тұрғындары бірнеше рет соттасып, жеңіп шыққанымен, Ақтас-Қордай басшысы 2000 гектардан астам жерді ешкімге бермей отырған. Ауыл тұрғындары меншігіндегі жер басқа біреуге сатылып кете ме деп қауіптенеді.

Бұл туралы қоғам белсендісі Мұхтар Тайжан президентке видео үндеу жазды. Оның айтуынша, ауыл тұрғындары не жер, не  жайылым ала  алмаған. Жазылған өтініштердің көптіігне қарамастан, жергілікті және елордалық билік тарапынан ешқандай жауап болмаған.

17 ақпанға дейін ЖШС-нің жаңа директорын тағайындау туралы жалпы жиналыс хаттамасының заңдылығы әртүрлі деңгейдегі соттармен тексерілді. ЖШС жетекші тұлғаларына белгілі бір әрекеттерді жасауға тыйым салынды. Осының барлығы үлескерлердің наразылығын тудырып, соңғы екі жылда әлеуметтік желілерде көптеген жағымсыз жарияланымдар пайда болды.

Жағдай қалай болды?

«Ақтас-Қордай» ЖШС «Ырғайты» ӨК банкрот болғаннан кейін қалған мүлікке меншік құқығын бекітті, оған : астық қоймасы, астық төгетін орын, екі клуб, Ноғайбай кентіндегі аурухана, орталық кеңсе, екі дүкен және 1200 гектар жер кіреді. Ноғайбайдағы жұмыс орындарының басым бөлігі осы ЖШС-де ашылған.

Директор Қаныбек Спанов өткізген «Ақтас Қордай» ЖШС-нің жалпы жиналысында наразы үлескерлерге  «Крафт» шаруа қожалығынан 300 гектар, Ч.Д.Торғаевқа 300 гектар, «Жазира» шаруа қожалығына 10 гектар, «Медет» шаруа қожалығынан 300 гектар, Д.Қожаевқа 100 гектар, Қ.Тілеубердиевке 100 гектар бөлінген.

Дегенмен алты жылдан бері бұл мәселе шешілмей келеді. Бұл жағдайға Бас және облыстық прокуратуралар араласып, Қордай өңіріндегі қоғамдық-саяси жағдайға ықпал етуіне тура келді. Тығырықтан шығу үшін аудан прокуратурасы сот істері мен ЖШС жалпы жиналыстарының барысын толық бақылауға алды. Сонымен қатар жұмыс тобын құрып, мәселені шешудің апта сайынғы жоспарын құрды. Жазылған хаттар негізінде адвокаттардың жұмысын күшейтті.

Мәселе қалай аяқталды?

Қабылданған шаралар 2022 жылдың 14 ақпанында ЖШС-да Жетібаев деген жаңа директор келгенде ғана өз нәтижесін берді. ЖШС акционерлері бұл шешімді оң бағалады.

Ендігі қалған сұрақ: «Ақтас» ЖШС тек Ноғайбай ауылындағы жер телімдеріне ғана иелік етті ме?