Қолында граната мен тапаншасы бар қарағандылық Астанада ұсталды

Астана қалалық полиция департаментінің Ұйымдасқан қылмысқа қарсы күрес басқармасы қызметкерлері жедел іс-шаралар барысында қару-жарақ пен жарылғыш заттарды заңсыз сақтау фактісін анықтады.

Түнде Абылайхан мен Жансүгіров көшелерінің қиылысында «Лада Приора» көлігі тоқтатылды. Көліктегі 22 жастағы жолаушыны жеке тінту кезінде оның күртесінің оң қалтасынан OСA травматикалық тапаншасы, сол жағынан РГД-5 гранатасы табылды. Полиция дереу гранатаны жарылғыш заттарды сақтауға арналған ыдысқа салды.

«Аталмыш факт бойынша Қазақстан Республикасы Қылмыстық кодексінің 287-бабы «Қаруды, оқ-дәрілерді, жарылғыш заттарды және жарылғыш құрылғыларды заңсыз алу, беру, өткізу, сақтау, тасымалдау немесе алып жүру» бойынша сотқа дейінгі тергеу амалдары жүргізілуде. Қазіргі уақытта Қарағанды ​​қаласының тұрғыны ПД уақытша ұстау изоляторына қамалды. Қажетті сараптамалар тағайындалды, тексеру жүргізілуде»  деп хабарлайды polisia.kz.