Qnet-тің 220-дан астам салымшысы полицияға шағым түсірді. Бұл туралы Алматы қалалық департаменті басшысының орынбасары Рустам Әбдірахманов өзінің Telegram-арнасында хабарлады.

Тергеу барысын Бас прокуратура мен Ішкі істер министрлігі қадағалайды.

«Халыққа хабарлау мақсатында Алматы қаласы Сотқа дейінгі тергеулердің бірыңғай тізілімі тіркелген Qnet компаниясының қызметіне қатысты ҚР Қылмыстық кодексінің 217-бабына сәйкес қылмыстық іс қозғалып жатқанын хабарлаймын. Qnet Қазақстан Республикасы заңнамасының талаптарына сәйкес кәсіпкерлік қызметті жүзеге асырмайды. Ол банктік және инвестициялық қызметке лицензиялар мен басқа да рұқсаттар, сондай-ақ банктік операциялар, компанияда жоқ» деді Рустам Әбдірахманов.

Қазір 220-дан астам адам Qnet компаниясының материалдық шығын келтіргені туралы құқық қорғау органдарына арызданған.

Бөлісіңіз: