«Qnet» қаржы пирамидасын құрғандар сотталды

«Qnet» қаржы пирамидасының құрылымдық бөлімшесін ұйымдастырғандарға үкім шықты, деп хабарлайды Orda.kz.

Сот шешімімен пирамида ұйымдастырғандар кінәлі деп танылып, 6 жылдан 7 жылға дейін бас бостандығынан айырылды. 

Айта кетейік, сотталушылар азаматтарды электронды коммерцияға инвестиция салуға және жалған «QVI tripsaver»  саяхат карталарын және зергерлік бұйымдарды сатып алуға үгіттеген. Қатысушылардың салымдары 840 мыңнан 4 млн теңгеге дейін барып, нәтижесінде 51 адам 63 миллион теңгеден астам қаражат салған. 

Сот шешімімен 301 миллион теңге тұратын Астана қаласынан 7 пәтер және «Toyota Camry» автокөлігі тәркіленді.

Еске салайық, бұған дейін «Chia TaiPharmaceutical» қаржылық пирамидасын ұйымдастырушының кінәсі анықталған еді.