Qirsabyn: Мені бопсалаған жоқ - Сенат спикері Әшімбаев

Сенат спикері Мәулен Әшімбаев Qirsabyn анонимді телеграм-арнасы әкімшілерінің ұсталуына қатысты пікір білдірді, деп хабарлайды Orda.kz. 

Әшімбаев өзіне ешқандай бопсалау немесе ақша талап ету фактісі болмағанын бірден атап өтті. Ол телеграм-арналарда жиі жарияланатын тұлғалардың бірі өзі екенін мойындады.  

«Егер адам саясатпен айналысса, ол туралы түрлі нәрселер жазылатынына, соның ішінде жала жабу, шындыққа сәйкес келмейтін фактілер мен қасақана бұрмалауларға дайын болуы керек. Бұл тұрғыда көпшілік тұлғалар оған дайын болуы қажет. Бірақ бұл жағдайларға салқынқандылықпен қарау оңай емес – себебі, біз не дегенмен адамбыз, біздің де сезіміміз бар. Алайда, бұл – сөзсіз болатын нәрсе екенін түсіну қажет», – деді Әшімбаев. 

Алайда, Qirsabyn арнасына қатысты жағдайда спикер зардап шеккендерді полицияға жүгінуге шақырды, себебі бұл жай ғана айтылып қоя салатын сыни пікір емес бұл нағыз бопсалау екендігін айтты.

Айта кетейік, қылмыстық іс танымал тележүргізушінің полицияға шағымданғанынан кейін қозғалған. Арна авторлары оның жеке өмірі жайлы ақпаратты жарияламау үшін ақша талап еткен. Біз жариялаған алғашқы жазбадан кейін көп ұзамай әкімшілердің ұсталғаны расталды.