QazVac vs Спутник V: көпшілік қайсысына көбірек сенеді?

Елімізде 26 сәуірден бастап, емханаларға қазақстандық ғалымдар дайындап шығарған екпе жеткізіле бастады. Отандық өнімді Денсаулық министрі ең бірінші боп салдырғаны белгілі. Бұл жайт халықтың екпеге деген сенімін арттыра түсті.

Десе де, екпе салдыруға келгенде көпшіліктің пікірі екіге қақ айырылды. Бірі таласып жүріп салдырып жатса, екіншісі асықпайды. Десе де, біз көпшіліктің пікірін білмек үшін instagram парақшамызда сауал жүргізіп көрмекпіз.

QazVac екпесін қазақстандық ғалымдардың үлкен жетістігі деуге болады. Себебі ол - AstraZeneca, Moderna, Sinovac, Sinopharm сынды әлем бойынша жоғары тиімділік көрсетіп, жаппай қолданысқа енген екпелерден еш қалыспай, уақытша мемлекеттік тіркеуге алынды. Зерттеу жұмыстарының үшінші фазасы әлі аяқтала қоймаса да, қазіргі уақытта бұл екпенің тиімділігі 96% көрсетіп отыр.

Спутник V - Ресей өнімі. Бүгінгі таңда біраз ел бұл екпені сатып алып, коронавирустан қорғанып жатыр. Сол елдердің ішінде Қазақстан да бар. Бұл екпенің де зерттеу шараларының үшінші фазасы толық аяқталмады. Бүгінгі таңда 90 пайыздық тиімділігімен алда тұр.

Құрметті оқырман сіз қайсы екпені таңдайсыз. Пікір білдіре отырыңыз. Ол үшін біздің инста-парақшамызға @ordakazakhstan өтіңіз.

Сабина Зәкіржанқызы