Қазақстанның шекара қызметі сапарларды жоспарлауға шақырды

Қазақ-өзбек және қазақ-қырғыз шекарасындағы өткізу бекеттерінде көліктер мен адамдардың жиналуы байқалды.

Өткізу пункттерінде адамдар мен көліктердің жиналып қалуын ҚР Шекара қызметі жолаушылар ағынының артуымен түсіндіреді.

«Қазақстан Республикасының Мемлекеттік шекарасындағы өткізу пункттері мереке және демалыс күндерін ескере отырып, әдеттегідей жұмыс істейді, Шекара қызметі қосымша күшейтіледі. Өту қарқындылығы мереке күндеріне сәйкес келгені белгілі», - деп хабарлайды ҚР ҰҚК баспасөз қызметі.

Басқарма «халықаралық сапарларды жоспарлау кезінде көрсетілген мәліметтерді ескеруді» сұрайды.