Қазақстанның Ресейдегі елшілігі мәлімдеме жасады

Қазақстан Республикасының Ресейдегі Елшілігі отандастарға үндеу жолдап, Ресейдің Украинамен шекаралас аймақтарына бармауға шақырды.

«Ресейдің Украинамен шекаралас аймақтарында орын алып отырған қауіпсіздік қатерлеріне байланысты ол аймақтарға  бармауды сұраймыз. Ресей Федерациясында, әсіресе Украинамен шекаралас аймақтарда жүрген барлық азаматтарды шұғыл түрде Ресейдегі Қазақстан Елшілігіне тіркелуді сұраймыз» делінген хабарламада.

Форс-мажорлық жағдайлар туындаған жағдайда Қазақстан Республикасының азаматтарына барлық қажетті көмек пен қолдау көрсетіледі, деп сендірді елшілік.

Елшіліктің сенім телефоны: +7-925-897-71-14.