Қазақстанның емдеу мекемелерінде 11,8 млрд теңгелік қызмет дұрыс көрсетілмеген

2022 жылдың жеті айында Әлеуметтік медициналық сақтандыру қоры 11,8 млрд теңгеге 882,6 мыңнан астам ақауды анықтаған. Бұл туралы Орталық коммуникациялар қызметінде өткен брифингте ӘҚҚБ басшысы Айдын Ашуев мәлім етті.

— Ақаулардың ең көп саны КДҚ  (консультациялық-диагностикалық қызметтер)  ұсынатын жеткізушілер арасында анықталды. Көбінесе төлемге негізсіз көп қызмет көрсетілді, мысалы, олар 1 қызмет көрсетті, төлемге 3 қызмет көрсетті, - деп мысал келтірді Қор басшысы.

Атап айтқанда, Қор сарапшылары медициналық қызметтерді көрсетудің расталмаған 28 мыңнан астам жағдайын, яғни «қосымшаларды» анықтады, жалпы сомасы 214,2 млн теңгені қайтарып алу керек, анықталған жағдайлардың 99%-ы консультациялық-диагностикалық қызметпен қамтамасыз етуде орын алады.

Қор 2 жыл бойына белсенді мониторинг енгізіп, жүргізіп келеді, онда анықталған бұзушылықтарға жаза қолданылмайды, бірақ 45 күн ішінде жоюға мүмкіндік берілген. Осы мерзім өткеннен кейін ақаулары жойылмаған сомалар төлемнен алынады. 2021 жылдың соңында жеткізушілер бұл мүмкіндікті пайдаланып, анықталған жеті миллиард теңгенің 5,3 миллиард теңгесі жойылды.