Қазақстаннан Өзбекстанға 1 миллион теңгенің трамадолы тасымалданды

Кайла есімді қызметтік ит контрабандашылардың 700-ге жуық трамадол таблеткасын Қазақстаннан алып шығуына жол бермеді.

Шекарашылар есірткіні шекарадан өткізу әрекетінің жолын кесті. Түркістан облысындағы «Сарыағаш» теміржол бекетінде пойызды айналып өту кезінде вагондардың бірінен тыйым салынған жүк – 690 дана трамадол дәрісі табылды.

«Бұл таблеткалар Өзбекстан Республикасына бара жатқан жүк пойызының вагонында тасымалданған. Қызметкерлердің қырағылығы мен арнайы үйретілген Кайла есімді ит шекарашыларға контрабанданы анықтауға көмектесті» делінген ҚР ҰҚК баспасөз қызметінің хабарламасында.

Оқиғаға байланысты қылмыстық іс қозғалды, тергеу амалдары жүргізілуде.