Қазақстаннан ірі валюта партиясын алып өтпек болған

Астана-Анталия рейсінің жолаушысы 92 мың еуро, 28 мың рубль және 9 мыңнан астам доллармен ұсталды. Ер адам ақшаға декларация толтырмаған.

Оқиға 9 мамырда Астана халықаралық бақылау-өткізу бекетінде болған.

«Шекара бақылауы кезінде Астана-Анталия рейсі жолаушылардың бірінде 92 855 еуро, 28 750 рубль және 9 510 АҚШ доллары көлемінде қолма-қол ақша табылды», - деп хабарлайды ҚР ҰҚК баспасөз қызметі.

Одан әрі тергеу үшін ұсталған азамат кеденшілерге тапсырылғаны атап өтілді.