Беларусь президенті Лукашенко Қазақстанға келеді

Беларусь президенті Александр Лукашенко 11-14 қазан аралығында Тәжікстан мен Қазақстанға сапар шегеді. Бұл туралы БелТа ақпарат агенттігі хабарлаған.

– Александр Лукашенко Тәжікстанға ресми сапары аяқталғаннан кейін Қазақстанға жұмыс сапарымен барады. Президент Астанада 13-14 қазанда өтетін Азиядағы өзара іс-қимыл және сенім шаралары жөніндегі кеңестің (АӨСШК) алтыншы саммитіне және ТМД мемлекеттері Басшылары Кеңесінің отырысына қатысады, – деп хабарлады Беларусь президентінің баспасөз қызметі.

12-13 қазанда өтетін АӨСШК-нің алтыншы саммитіне 11 Мемлекет басшысы, бір вице-президент, үкімет төрағасының орынбасары және бес министр қатысады. Бұл туралы СІМ мәлімдеді.