Қазақстанға 275 келі зергерлік бұйымдар өткізбек болған

Еліміздің екі азаматы зергерлік бұйымдар салынған сегіз жол сөмкесін Жамбыл облысындағы Қордай бақылау-өткізу бекеті арқылы Қазақстанға өткізбек болған.

«19 қаңтарда Жамбыл облысындағы «Қордай» көлік өткізу бекетінде ҰҚК шекара қызметі екі Қазақстан азаматының зергерлік бұйымдардың ірі партиясын әкелу әрекетінің алдын алды» делінген ҚР ҰҚК хабарламасында.

Контрабандашылар келе жатқан көлікті қарау кезінде олардан жалпы салмағы 275 келі болатын зергерлік бұйымдар салынған 8 жол сөмкесі табылды. Табылған зат одан әрі тергеу жүргізу үшін Қаржы министрлігі Мемлекеттік кірістер комитетінің аумақтық бөлімшелеріне берілгені хабарланды.