Қазақстандықтар «ҚазМұнайГаз» компаниясының 51 пайыз акциясын сатып алды

Мәміле сомасы 70 млрд теңгеден асты, деп хабарлайды Қазақстан қор биржасы. Жеке тұлғалардан түскен белсенді өтініштердің саны 121 703-ті құрады.

«Орналастыру нәтижелері бойынша жеке тұлғалардың шоттарына KASE-де орналастыру көлемінің 51%-ы – 70,1 млрд теңге сомасында бағалы қағаздар, заңды тұлғалардың – 12,1 млрд теңге сомасында – орналастыру көлемінің 8,8%-ы, Институционалдық инвесторлар ұсынған қанағаттандырылған өтінімдердің көлемі 55,3 млрд теңгені құрады – орналастыру көлемінің 40,2%-ы» делінген хабарламада.

Барлығы 30,5 миллионнан астам акция орналастырылды. Орналастыру бағасы бір акцияға 8 406 теңгені құрады.

Заңды тұлғалардан сұраныс 12,1 млрд теңгені, институционалдық инвесторлардан 59,6 млрд теңгені құрады. Орналастыруға барлығы KASE қор нарығының 20 мүшесі қатысты. Биржа бойынша қанағаттандырылған өтінімдердің жалпы көлемі 137,5 млрд теңге болды.