Қазақстандықтар Egov арқылы жалға беру келісіміне қол қоя алады

Үкімет басшысы Әлихан Смайылов азаматтардың тұрғын үйді жалға беру кезіндегі құқықтарын түсіндіру жұмыстарын жандандыруды тапсырды, деп хабарлайды ҚР Премьер-Министрінің ресми сайты.

Әлихан Смайылов бүгін көші-қонның өзекті мәселелері бойынша кеңес өткізіп, оның барысында бірқатар тапсырмалар берді, атап айтқанда, үкімет басшысы азаматтардың тұрғын үйді жалға беру кезіндегі құқықтарын түсіндіру жұмыстарын күшейтуді тапсырды.

— Бұл тек қана мигранттар ағынына қатысты емес, қалай болғанда да біздің азаматтар өз құқықтарын білуі қажет, Egov немесе танымал қосымшалар арқылы стандартты жалдау шартына цифрлық қол қоюға мүмкіндік беру керек, онда құқықтар мен міндеттер көрсетіледі. Бұл азаматтарымыздың құқықтарын екі тараптан да  қорғауға мүмкіндік береді, - деді Әлихан Смайылов.

Премьер-Министр мемлекеттік органдар мен әкімдіктер көші-қон жағдайын шешу үшін кешенді және тиімді шаралар қабылдауы қажеттігін баса айтты.