Қазақстандық  ұшқыштар апаттың алдын алғаны үшін Лондонда марапатталды

Төрт ұшқыш төтенше жағдайда көрсеткен ерлігі үшін Хью Гордон-Берг сыйлығымен марапатталды. Олар Португалия аспанындағы ұшақ апатының алдын алып, әріптестері мен ұшақты аман алып қалған.

Эйр Астананың мәліметінше, оқиғаның өзі 2018 жылдың 11 қарашасында болған. Ол кезде қазақстандық ұшқыштар Лиссабонда (Португалия) жөндеу жұмыстарын жүргізгеннен кейін қайталама ұшуды орындап жатқан болатын. Кабельдік басқару жүйесінің дұрыс орнатылмауына байланысты, ұшқаннан кейін ұшақ іс жүзінде басқарылмай қалған.

Экипаж тік сүңгуі мен айналуы бар шайқастағы әскери истребитель ұшқыштарының G-күштерімен салыстыруға болатын гравитациялық шамадан тыс жүктемені 5 еселік сипатын  бастан кешірді. Алайда ұшқыштар басқаруды жартылай қалпына келтіріп, ұшақты қауіпсіз жерге қондыра алды.