Қазақстандық теннисші Ливандағы халықаралық турнирде «алтын» алды

Қазақстандық теннисші Алан Құрманғалиев Ливандағы халықаралық турнирдің «алтынын» жеңіп алды, деп хабарлайды ҚР Ұлттық Олимпиада комитетінің баспасөз қызметі.

«Үстел теннисінен Қазақстан құрамасының өкілі Алан Құрманғалиев Ливанда өткен WTT Youth Contender Jezzine турнирінде алтын медаль жеңіп алды»  делінген жексенбі күні хабарда.

Бірінші орынға жету жолында ол Обад әл-Абдулла (Катар), Карим Шалтун (Иордания), Стивен Морено (Пуэрто-Рико), Бенджамин Фараджи (Иран), Реми Шамбе-Вейл (Голландия), Амирмахди Кешаварзи (Иран) сынды қарсыластарынан басым түсті.

Бұған дейін бұл турнирде Мария Лукьянова алтыннан алқа тағынған болатын.