Қазақстандық танымал әнші некесін қиды

Әнші Райм мен Ерке Есмахан некесін қиды. Бұл туралы айтыскер ақын әлеуметтік желідегі парақшасында хабарлады.

– Ал ең алғашқы эксклюзив фото! Қасиетті жұма күні ақ некесі қиылған екі жасқа екі дүниенің бақытын тілейміз…. Жақсы адамдар жақсы тілегін айтады… Барлық әйел бақытты болуы керек! Ардақты Хадиша анамыз Пайғамбардан 15 жас үлкен болғанын білесіздер… Әрі бай, әрі сұлу, әрі ақылды анамыз туралы «Барлық жұрт менен теріс айналғанда маған сенген жалғыз Хадиша болатын» деп сүйсініп өмірінің соңына дейін аялаған екен… Әрбір жазылған тілек, әрбір сөз өзімізге қайтатынын ұмытпайық… Өз басым барлық адам бақытты болса деймін… Қателескен адам емес, тәубаға келген адам сүйкімді мен үшін… Құлаған адам жерде жатып қалмай еңсесін көтеріп тұруға қақы бар шығар?! Ерке Есмаханның 80-нен асқан анасы барлық пікірді оқып отырады… Аналардың жүрегіне қаяу салмай, ақ тілегімізді арнап жіберейікші, – деп жазды Айнұр Тұрсынбаева.