Қазақстандық спортшы Гиннестің рекордтар кітабына енді

Әлемнің жеті дүркін чемпионы Ильдар Ягяев екінші рет Гиннестің рекордтар кітабына енді.

Tartyl Fest спорт фестивалінің финалына дайындық барысында спортшы турникке тартылу бойынша жаңа рекорд орнатты. Ол қосымша 35 келі салмақ дәрежесінде қатысты, осылайша осы физикалық жаттығуды 34,4 келі салмақпен орындаған испандық спортшының бұрынғы рекордын жаңартты.

Қазіргі уақытта Ильдар командасымен бірге 18 ақпанда Астанада өтетін жарыстың финалына дайындалып жатыр.

- Рекорд Ақтауда жазылып, кейін Лондонға жіберілді. Осындай іс-әрекеттер арқылы біз жастардың спортқа, жетістіктерге деген сүйіспеншілігін оятуға тырысамыз. Мәселен, қазір дайындалып жатқан чемпионаттың жүлде қоры 60 миллион теңгеден асады. Маңғыстау облысынан тоғыз номинация бойынша тоғыз финалист өнер көрсетеді, финал 18 ақпанда Астанада өтіп, Қазақстанның ең мықты спортшылары анықталады. Спортшыларымызға жанкүйер болғысы келетіндердің барлығы келіңіздер, қуанамыз, – деді спортшы.