Түркия: қазақстандық құтқарушылар үйінділер астынан 3 адамды шығарып алды

Газиантептегі нысандардың бірінде қазақстандық құтқарушылар тобы үйінділер астынан 3 адамды тірідей шығарып алды. Бұл туралы Төтенше жағдайлар министрлігінің баспасөз қызметі хабарлады.

Құлаған тоғыз қабатты үйдің қирандылары астынан бір қарт адам мен екі жас жігіт шығарып алынды. Қазақстандық құтқарушылар оларға бірінші болып барып, құтқарылғандарды Түркиялық әріптестеріне және медициналық қызметтерге тапсырды.

«Жұмыс үзіліссіз екі тәулік бойы құрылымдардың құлау қаупі төніп тұрған аса күрделі жағдайда жүргізілді. Адамдарды анықтау үшін кинологиялық есептоптар және арнайы іздеу құралдары белсенді түрде тартылды» деп жазылған хабарламада.