Қазақстандық кәсіпкерлер Грузия экономикасына 530 млн доллар инвестиция құйған

Қазақстан премьер-министрі Әлихан Смайылов Грузия премьер-министрі Ираклий Гарибашвилимен Тбилисиде келіссөз жүргізді.

Үкіметтің баспасөз қызметі хабарлағандай, өткен жылы екі ел арасындағы тауар айналымы 7 есе өсіп, рекордтық $600 млн-ға жеткен.

«Бұл – өте жақсы көрсеткіш, бізге жақын арада миллиардтық межеге жететін көрсеткіштерді жоспарлауға мүмкіндік береді» деді Әлихан Смайылов.

Соңғы 17 жылда Грузия инвесторлары Қазақстанға шамамен $400 млн салған, бұл ретте өткен жылдағы көрсеткіш $100 млн-нан астам болды.

Қазақстандық кәсіпкерлер Грузия экономикасына $530 млн-нан астам инвестиция құйды. Келіссөздер қорытындысы бойынша бірқатар құжатқа қол қойылды.