Қазақстандық бидайдың тоннасы 270 долларға түсті

Қазақстандық бидай 270 долларға арзандаса, ал  ұнның бағасы тоннасына 350 доллар деңгейінде қалды.

Қаңтарда Қазақстандық бидай мен ұнның Орталық Азия елдеріне саудасындағы ауытқулар  тіркелді. Бағаның төмендеуі дәстүрлі маусымдық фактор ретінде қарастырылады. Сондықтан, деп жазады Eldala.kz, саудагерлер мен өндірушілер ақпан айында жеткізілім көлемінің қалпына келуінен үмітті. Қазір 2022 жылдың күз айларымен салыстырғанда экспорттың екі есеге дерлік төмендеуі тіркелді.

— Сарыағаш стансасы арқылы қаңтардың алғашқы 15 күнінде ұн жөнелтілімі небәрі 33 мың тоннаны құрады. Бұл өте аз. Жалпы, қаңтар айының қорытындысы бойынша ең жақсы жағдайда экспорт көлемін 100-110 мың тоннаға бекітеміз деп ойлаймын. Бидай экспорты да төмен, шамамен 300 мың тонна. Жалпы, қаңтарда экспорттың жалпы көлемі (бидай + астық эквивалентіндегі ұн) 420 мың тонна  болады. Ал 2022 жылдың қаңтарында 750 мың тонна экспорттадық, - деді Қазақстан астық өңдеушілер одағының президенті Әлихан Талғатбек.

Нәтижесінде осы жағдайдың барлығы қазақстандық ауыл шаруашылығы өнімдері бағасының төмендеуіне әкелді. 3-ші сортты бидайдың құны 270-275 долларға дейін арзандады ( Сарыағаш сыйы). Ұнға келетін болсақ, сатып алушылар 320 долларға дейін төмендетуді талап еткенімен, ол тоннасына 345-350 доллар деңгейінде қалды ( Сарыағаш сыйы). Алайда, басылымның жазуынша, мұндай бағамен өңдеушілер өндірістің табыстылығын қамтамасыз ете алмайды, сондықтан олар мұндай жеңілдіктен бас тартады.

Маусымдық құлдыраудан басқа, логистикалық проблемалар, атап айтқанда, теміржол тасымалы бағаның мұндай тез құлдырауына себеп болып саналады. Осыған байланысты жеткізу мерзімі кешіктіріледі. Бұған қоса, нарық Ресейден Орталық Азияға астық пен ұн жеткізудің артуына байланысты қысымға ұшырауда.