Қазақстандық әлем чемпионы Ұлыбританияға қырыққабат теріп жүр

Маңғыстау облысының Street Workout және Streetlifting федерациясының президенті, Гиннес рекордтар кітабының екі мәрте рекордшысы, әлем чемпионатының жеті медалінің иегері Ильдар Ягяев Ұлыбританияға жұмыс істеуге кетті, деп хабарлайды Orda.kz lada.kz сайтына сілтеме жасап.
Жыл сайын көптеген қазақстандықтар қырыққабат жинау үшін Ұлыбританияға кететіні жасырын емес. 28 жастағы спортшы биыл көктемде жұмыс визасын алып, бірнеше айдан бері далада қырыққабат пен брокколи теріп жүр.
«Біз төрт қабатты үйде тұрамыз, теңіз жағасында. Алаңға жету үшін жарты сағаттай уақыт кетеді. Жұмыс беруші берген көлікпен жетеміз. Жанармай ақысын жауып, көлік айдаған жігітке қосымша төленеді. Далада қырыққабат пен брокколиді қолыммен теретінмін. Жақында қызметімді жоғарылаттым, қазір тракторшымын. Мен Англияда көктемнен бері тұрамын. Алғашында салқын болды, бірақ қазір ауа-райы жақсарды - дегенмен ыстыққа үйреніп қалдым. Қазір жұмыс қызған уақыт, қыста жұмыс көлемі әлдеқайда аз», - дейді Ильдар Ягяев.
Егістікте істейтіндердің жұмыс күні 8-9 сағатқа созылады, Ильдар таңғы сағат 4-те трактор тізгініне отырып, түске таман босайды. Бұл оған жаттықтырушы ретінде қосымша ақша табуға мүмкіндік береді.
«Мен өтініш бергенімде олар маған жұмыс істейтін орындардың тізімін берді. Мен қырыққабат өсетін алқапты таңдадым, оны жинау құлпынайдан қиынырақ. Бірақ мен өзімді сынағым келді - мен спортшымын ғой. Жұмыста өңшең ер адамдар, біздің ұжымда бір ғана тараздық әйел бар», - дейді Ягяев.
Төлемге келетін болсақ, Ильдардың айтуынша, жұмысшыларға апта сайын жалақы төленеді. Жалақы жұмыс істеген сағатқа байланысты.
«9 сағаттық жұмыс күнімен бір апта бойы маған шамамен 500 фунт стерлинг (283 мың теңге) төлейді. Айына шамамен 2000 фунт шығады, бұл миллион теңгеден асады. Қазақстанда мұндай ақшаны әрең табатын едім, егер тапсам, бірнеше жерде жұмыс істеп, күніне 2-3 сағат ұйықтайтын шығармын», - дейді Ильдар.
Ильдар шығын аз екенін айтады. Ол тек тамақ пен жеке шығындарға жұмсалады. Өмір сүруге аптасына 60 фунт кетеді. Жұмысшылар ай сайын жалпы табысының 20 пайызы көлемінде салық төлейді.
«Оның ішіне менің сақтандыруым мен салықтарым кіреді. Ақшаның көп бөлігін отбасыма жіберемін. Мені үйде ата-анам, әйелім, балаларым күтіп отыр. Кейбір отандастарымыз Англияға әйелдерімен келеді, бірақ біз әйелі балаларымен қалғанын жақсы деп санадық, кенже ұлым бір жасқа да толмаған. Әлі де кішкентай. Анасыз қиын болар еді», - дейді спортшы.
Ер адамды қолдағандар да, жаңалықты теріс қабылдағандар да бар. Олардың ойынша, егістікте жұмыс істеп, қырыққабат теру беделді жұмыс емес, әсіресе жоғары білімің болса. Ал Ильдарда бір емес екі диплом бар.
«Адамдардың айтқанына қарамай кеттім. Отбасы үшін, жақсы табыс үшін. Ақтауда спортты дамытуға деген талпыныстарым бекерге кетті. Спорт бөлімі мені естімеді, мен барлық есікті қағып шықтым. Туымызды желбіреткен үлкен жарыстардан қаншама рет жеңіспен келдім, тіпті әуежайдан ешкім қарсы алмайды. Бұл шенеуніктер спортшыларға қолдау көрсетуді қажет деп санамайды деген сөз. Жеке өзім үнемі кемсітушілік сезіндім. Менің достарыма, боксшыларға, балуандарға, футболшыларға көп көңіл бөлінді, ал қалғандарына мән бермейді», - дейді спортшы.
Кейбір спорт түрлерін кемсітудің мысалы ретінде Ильдар биліктің шешімімен 2017 жылдан бері Ақтауда өтуін тоқтатқан ірі Aktau OpenFest фестивалі төңірегіндегі жағдайды келтірді.
Жаңалықтар
- Тимур мен Динара Құлыбаевтар тағы да акционерлерге дивиденд төлемейді
- Семейде оқушыны соққыға жыққан жасөспірімдердің аналары ата-ана құқығынан айырылады
- Таразда мектеп оқушысын зорлаған жасөспірімдерге үкім шықты
- Оқушысын зорлаған әскери дайындық пәнінің мұғалімі апелляциялық шағым түсірді
- «Әкең қазақ болса ғана қазақсың»: Қазақстанда қазақ екеніңді қалай дәлелдеуге болады?
- Қазақстандықтардың жеке деректері желіге тарады: 16 миллион адамның ЖСН мен телефоны жария болды
- Тоқаевты балағаттаған блогерге үкім шықты
- Кәрім Мәсімовтің зәулім сарайын Астана меншікке қабылдамайтын болды
- 2 жасар бала күнбағыс дәнегіне тұншығып көз жұмды
- Иран мен Израильде 351 қазақстандық бар – СІМ
- Тоқаев Қытай басшысын әуежайдан өзі қарсы алды
- Қазақстандық әуе компаниялар қақтығыс жүріп жатқан аймақта ұшып жатыр
- ІІМ Санжар Боқаевты экстремистер тізіміне қосты
- АЭС-тің жыры: Апат болса, жауапкершілікті кім мойнына алады?
- «Миы шайқалды»: Таразда әскерге шақырылған жігіт көлікке басын ұрып, қарсылық көрсетті
- «Көлігінің кілтін қалдырды»: Мұқағалидың ұлы ақынды балағаттаған блогерді кешірді
- Қазақстанға келе жатқан Қытай төрағасы нені көздеді?
- «Хуторлықтар ұрды»: Қаржаубай Нұрымовтың ауруханаға түскені туралы ақпарат тарады
- Басшысының саусағын балтамен шауып тастаған күдікті бостандықта жүр
- Алматы облысында қоғам белсендісі алаяқтық жасады деген күдікпен ұсталды