Қазақстандағы бірқатар нысандар жекешелендіру тізімінен шығарылды

Еліміздегі бірқатар нысандар жекешелендіру тізімінен шығарылды, деп хабарлады үкіметтің баспасөз қызметі.

Төменде «2021-2025 жылдарға арналған жекешелендірудің кейбір мәселелері туралы» қаулыға енгізілген өзгерістердің толық мәтінін беріп отырмыз.

Қазақстан Республикасының Үкіметі қаулы етеді:

3-қосымшадағы «Қазақстан Республикасы Ғылым және жоғары білім министрлігі» бөліміндегі жекешелендіруге жататын республикалық меншіктегі ұйымдардың тізбесінен шығарылған мекемелер туралы мәліметтерді ұсынамыз.

Сонымен тізімнен шығарылған нысандарға байланысты мәліметтер мыналар: «КИМЭП Университеті» коммерциялық емес акционерлік қоғамы» яғни, 3.2-жол алынып тасталды.

4-қосымшадағы «Атырау облысының әкімдігі» бөліміндегі бәсекелес ортаға беруге ұсынылатын коммуналдық меншіктегі ұйымдардың тізбесіндегі 34.3-жол алынып тасталды: Хиуаз Доспанова атындағы «Атырау халықаралық әуежайы» акционерлік қоғамы.

Осы қосымшаның «Түркістан облысының әкімдігі» деген бөлімде 179-1.48-жол алынып тасталды: яғни, «Түркістан индустриалды аймақтарының басқарушы компаниясы» жауапкершілігі шектеулі серіктестігі.

«Алматы қаласының әкiмдiгi» деген бөлiмде 373-2.15-жол алынып тасталды – «Алматы қаласының мамандандырылған жерлеу қызметi комбинаты» жауапкершілігі шектеулі серіктестігі.

Аталған қаулының 5-қосымшасындағы «Әлеуметтік-кәсіпкерлік корпорациясы» акционерлік қоғамы» бөлімінде бәсекелес ортаға беруге ұсынылатын акционерлік қоғамдардың еншілес, тәуелді ұйымдарының және олармен байланыстырылған өзге де заңды тұлғалар тізбесінде 122.1-жол алынып тасталды, ол – «Астана – Арнайы қызметтер бюросы» жауапкершілігі шектеулі серіктестігі.

«Алматы» әлеуметтік-кәсіпкерлік корпорациясы» акционерлік қоғамы» деген бөлімде 149-1.5-жол алынып тасталды: бұл «Алматы қаласы әкімдігінің күрделі құрылыс кәсіпорны» жауапкершілігі шектеулі серіктестігі.

Сондай-ақ аталған қаулымен бекітілген квазимемлекеттік сектордың жекешелендірілген субъектілерінің тізбесіне енгізу өлшемшарттары (қағидалары) туралы бірінші абзац өзгертілді:

«Келесі критерийлердің біріне сәйкестігі көрсетілген субъектіге қатысты оң баға болған жағдайда квазимемлекеттік сектор субъектісін квазимемлекеттік сектордың жекешелендірілген субъектілерінің тізбесіне енгізу бастамасы үшін негіз болып табылады. Мемлекеттердің экономикалық мүдделерін ескере отырып, оны іске асырудың негізділігі туралы мемлекеттік басқарудың тиісті саласын (аясын) басқару жөніндегі уәкілетті орган».

Осы қаулы алғашқы ресми жарияланған күннен бастап қолданысқа енгізіледі.