Қазақстандағы бензин тапшылығы: Шымкент мұнай өңдеу зауытында жөндеу жұмыстары аяқталды

Шымкент мұнай өңдеу зауытында жөндеу жұмыстары аяқталды. Зауыт ішкі нарыққа өнім шығаруды бастады.

Шымкент мұнай өңдеу зауытында 15 наурызда басталған жоспарлы профилактикалық жұмыстар аяқталды, деп хабарлайды «ҚазМұнайГаз» ұлттық компаниясының баспасөз қызметі.

Жұмыс кестесіне сәйкес, 8 сәуірде аяқталады деп жоспарланғанына қарамастан, зауыт ішкі нарыққа өнім шығару ісіне кірісіп кетті.

Сәуір айында зауыт 366 мың тонна мұнай өңдеуі тиіс. 110,1 мың тонна бензин, 114,8 мың тонна дизельдік отын, 15,1 мың тонна сұйытылған мұнай газы, 19,3 мың тонна авиациялық отын және 77,6 мың тонна мазут өндіру жоспарлануда.

«Барлық жөндеу жұмыстары белгіленген мерзімде аяқталды, ал кейбіреулері мерзімінен бұрын орындалды. Осылайша, мұнайды бастапқы айдау қондырғысы жұмыс режиміне кірісті. Жұмыс көлеміне ауыстыру, қалпына, мұнайды бастапқы айдау, каталитикалық риформинг, дизель отынын гидротазалау, керосинді гидротазалау, каталитикалық крекинг қондырғыларының жекелеген бөлшектері мен жабдықтарын реттеу келтіру кіреді»  делінген ҚМГ хабарламасында.

Жөндеу жұмыстарын 22 мердігер ұйым жүргізді, оған 1305 маман тартылды.

2022 жылдың соңында Шымкент мұнай өңдеу зауыты рекордтық 6,2 миллион тонна мұнай өңдеді. Ел басшылығы зауыттың өндірістік қуатын кеңейтіп, өңдеу көлемін жылына 12 миллион тоннаға дейін жеткізуді тапсырды.