Қазақстанда жаңартылған  көші-қон ережелері күшіне енді

Енді ЕАЭО азаматтары республикада 180 күннен аспайтын мерзімде 90 күннен, басқа шетелдіктер 30 күннен аспайтын, сонымен қатар алты айда ең көбі 90 күннен аспайтын мерзімде бола алады.

Қазақстанда 27 қаңтардан бастап жаңартылған көші-қон ережелері күшіне енеді.

Ереженің алдыңғы нұсқасында 180 күндік мерзімге қатысты шектеулер болған жоқ - осылайша, шетелдіктер елде болу шарттарын қайта-қайта жаңарту, елден қысқа уақытқа кетіп, қайтадан кіру мүмкіндігінен айырылады.

— 27 қаңтардан кейін келгендер жаңа есеп береді. Шекарада тұрған компьютерлік бағдарлама мұның бәрін есепке алады. Ал кім қазірдің өзінде осында болса, бұл оларға қатысы жоқ ... Егер ол қазір кетсе, сосын қайта келсе 27 қаңтарда жаңа мерзім 90 күн болып есептеледі.Заңның кері күші жоқ, - деді ІІМ Көші-қон қызметі комитетінің сыртқы көші-қон департаменті басшысы Асқар Алдоңғаров.

Заңнамаға енгізілген түзетулер оны халықаралық тәжірибеге сәйкестендіреді.

— Бұл қатайту емес, оны халықаралық тәжірибеге сәйкес келтіру: сіз барлық елдерде 90 күн ғана бола аласыз, содан кейін  виза және басқа да құжаттарды рәсімдеу  керек, - деді ІІМ өкілі.

Ол сондай-ақ 90/180 ережесінің Қазақстанға визамен келгендерге қолданылмайтынын, өйткені олар үшін заңды болу мерзімі визаның аяқталуымен шектелетінін, сондай-ақ бұның  осы елде болғандарға да қатысты екенін айтты. Олар үшін елде болу мерзімі құжаттың ұзақтығымен анықталады, бұл өз кезегінде еңбек шартының мерзіміне де байланысты.

— Бұл жаңашылдық бұрыннан әзірленген, бұл біздің елге визасыз келген барлық шетелдіктерге қатысты. «Визаранды» (мерзімді ұзарту үшін шетелге қысқа мерзімді саяхат) Ресей немесе ЕАЭО елдерінің азаматтары ғана емес,  Түркия және басқа елдердің азаматтары да пайдаланады, - деп қосты Алдоңғаров.