Қазақстанда ҰҚШҰ жаттығулары аяқталды

Ұлттық ұланның Бас қолбасшысы генерал-майор Еркін Ботақанов оқу-жаттығулардың жабылу салтанатында ҰҚШҰ-ның өңірдегі тұрақтылықты қамтамасыз етудегі және әскери қызметшілердің кәсібилігін арттырудағы маңыздылығын атап өтті.

Жаттығуға қатысушылар қиын жағдайда шешім қабылдау және батыл, ұйымшыл әрекет ету қабілетін көрсетті.

ҰҚШҰ Біріккен штабының бастығы генерал-полковник Анатолий Сидоров жаттығуларда көрсетілген шеберлік біздің ішкі және сыртқы қауіпсіздігіміздің кепілі деп атады.

Қорғаныс министрінің бірінші орынбасары-Қазақстан Қарулы Күштері Бас штабының бастығы генерал-лейтенант Марат Хусаинов та қатысушыларға жоғары баға берді.