Қазақстанда тұрғын үйді жалға беру бағасы тағы 4 пайызға арзандады

Қазақстанда пәтер жалдау құнының төмендеуі жалғасуда. Бір апта ішінде, яғни 3 қарашадан 10 қарашаға дейін баға орташа есеппен 4%-ға төмендеді, деп хабарлайды Krisha.kz.

Бағаның ең көп төмендеуі Орал (-9,7%) мен Қостанайда (-7,3%). Алматыда пәтерді 4%-ға, Астанада 4,2%-ға арзан жалдауға болады. Таразда жалға алу құны өзгерген жоқ.

Жалдау бағасы қазан айының алғашқы апталарында шарықтау шегіне жетті, кейін төмендей бастады. 10 қарашада төмендеу 23% болды. Дегенмен, жалдау ақысы әлі де орта есеппен 15%-ға жоғары.

Пәтер жалдау құны ең қымбат қалалар Астана мен Алматы. Мұнда бір бөлмелі пәтер 200-250 мың теңге аралығында болады. Ең арзаны Талдықорғандағы пәтерлерді жалға алу: бір бөлмелі пәтерді 80 мың теңгеге, екі бөлмелі пәтерді 100 мың теңгеге жалға алуға болады.