Қазақстанда қала құрылысы кодексі жасалады

Қазақстан Үкіметі Қала құрылысы кодексін әзірлейтін болды. Мұндай тапсырманы Мемлекет басшысы Қасым-Жомарт Тоқаев Қазақстан халқына жолдауында берді.

— Үкіметке тұжырымдамалық жаңа құжат – Қала құрылысы кодексін қабылдауды тапсырамын. Әрбір қала үшін жер телімдері мен инженерлік желілердің функционалдық және интерактивті карталары жасалуы керек, - деді Тоқаев халыққа жолдауында.

Ол сондай-ақ 2,9 миллион гектар ауыл шаруашылығы жері мемлекет меншігіне қайтарылғанын айтты. Жыл соңына дейін кемінде 5 миллион гектар жерді қайта өңдеу жоспарлануда. Игерілмей жатқан немесе заңсыз берілген жер көлемі шамамен 10 миллион гектарды құрайды.

— Үкімет пен әкімдіктер келесі жылдың соңына дейін бұл бағыттар бойынша нақты шешім қабылдауы керек. Енді жер мәселесін тексеруге мораторий алынып тасталды. Бұл қадам жұмысқа оң әсер етеді деп ойлаймын, - деп қосты президент.

Тоқаев сондай-ақ, елдегі сумен жабдықтау және жылу желілерін жаңартуды тапсырды.

Президент қант пен жанармай тапшылығына байланысты үкімет жұмысын сынға алды.

ҚР Президенті Қасым-Жомарт Тоқаев Мәжілісте үндеу жариялап, қанды қаңтарға қатысушыларға рақымшылық жариялады.

Мемлекет ең төменгі жалақыны анықтаудың жаңа әдістемесін енгізеді, ол оның мөлшерін біртіндеп ұлғайтады.