Қазақстанда Kotak Bank ашыла ма? - қаржы реттеушісінің жауабы

Өткен аптада кейбір БАҚ Kotak Mahindra Bank бастаған ірі үнділік инвесторлардың еліміздің нарығына шығып, кейбір жобаларға инвестиция салу жоспарлары туралы хабарлады.

 Атап айтқанда, инсайдерлік ақпаратқа сілтеме жасай отырып, Kotak Mahindra Bank ірі үнділік Adani Group конгломератының Қазақстандағы жобаларын қаржыландырмақшы екені хабарланды.  Соңғысы Еуропаға транзит үшін Каспий теңізінің жағалауында порт салуға мүдделі деген ақпарат бар.

 Ал, біз түсініктеме алу үшін жүгінген ҚР Қаржы нарығын реттеу және дамыту агенттігі үнді банкінің ауқымды жоспарлары туралы ештеңе білмейді.  Агенттікке бұл мәселе бойынша үнділік тараптан әзірге ешқандай ақпарат түскен жоқ.

 Бұл ретте планетаның ең бай адамдарының бірі саналатын Adani Group басшысы Гаутам Адани шынымен өткен жылдың соңында Қазақстанға келіп, жоғары деңгейде бірқатар кездесулер өткізгенін атап өтеміз. 

 «Kotak Mahindra» банкін құрған оның жерлесі Удай Суреш Котак та кедей адам емес.