Қазақстанда кедейшілік деңгейі артты

Ұлттық статистика бюросы Қазақстандағы 2022 жылдың екінші тоқсанындағы кедейшілік деңгейін есептеп шықты.

Үй шаруашылықтарын іріктеп зерттеу нәтижелері бойынша 2022 жылдың ІІ тоқсанында ең төменгі күнкөріс деңгейінен (кедейшілік деңгейінен) төмен табысы бар халықтың үлесі 5,1%-ды құрады. Бұл 2021 жылдың сәйкес кезеңімен салыстырғанда 0,3 пайызға көп.

Бюро кедейлік қаупіне үй шаруашылығының көлемі қатты әсер ететінін атап өтті. Осылайша, 5 және одан да көп адамнан тұратын отбасылар арасындағы кедейшілік деңгейі 2022 жылдың екінші тоқсанының қорытындысы бойынша 9,3%-ды құраған. Бұл жалпы кедейшілік деңгейінен 2 есеге жуық жоғары.

Еске салсақ, бұған дейін Қазақстанда азық-түлік 20 пайызға қымбаттап, инфляцияның өсу жалғасып жатқаны белгілі.