Қазақстанда бір жылда бензин 4 пайызға қымбаттады

Жанармайдың ең жоғары бағасы Қостанай, Петропавл және Алматы қалаларында тіркелді.

2022 жылдың алғашқы тоғыз айында Қазақстанда авиациялық бензинді қоса алғанда 3,7 млн тоннадан астам бензин өндірілді, бұл 2021 жылдың осы кезеңімен салыстырғанда 5,6 пайызға көп, деп хабарлайды EnergyProm.

Порталдың хабарлауынша, мотор отыны өндірісі жетінші жыл қатарынан артып келеді.

«Қазақстан Республикасының мұнай өңдеу зауыттары ағымдағы жылдың қаңтар-тамыз айларында бензинге деген сұранысты (ішкі нарықтағы сату плюс экспорт) бір жыл бұрынғы 100 пайызға дерлік 98,7 пайызға қамтамасыз етті. Сәйкес кезеңде өндіріс көлемі 4,3%-ға өсіп, 3,3 млн тоннаны құрады, ал импорт бірден 44,7 есеге, бірақ 43 мың тоннаға дейін ғана өсті» дейді сарапшылар.

2022 жылғы қаңтар-тамызда мотор отыны экспорты 4,2 есеге азайып, 24 мың тоннаны құрады. Ішкі сауда көлемі 8,4%-ға өсіп, 3,3 млн тонна болды.

2021 жылдың қыркүйегімен салыстырғанда бензин бағасының өсуі 4%-ды жетті. Ол ең алдымен Солтүстік Қазақстан облысында (5,5%-ға), Павлодар облысында (5,1%-ға) және Батыс Қазақстан облысында (4,8%-ға), сондай-ақ Алматыда (4,8%-ға) қымбаттады.

Ең азы, жанармай құны Ақмола (2,2%-ға) және Маңғыстау (2,6%-ға) облыстарында өсті.

АИ-95/96 маркалы бензин 2022 жылдың басынан бері 1,4%-ға, жалпы бір жыл ішінде 6,9%-ға қымбаттады. АИ-98 2022 жылдың басынан бері 0,3%-ға, бір жыл ішінде 6%-ға қымбаттады.

2022 жылдың қыркүйегінде Қазақстанда АИ-92 маркалы бензиннің бір литрінің орташа бөлшек сауда бағасы 179 теңге болды. АИ-95/96 литрі – 211 теңге және АИ-98 – 232 теңге.

Қалалар арасында ең қымбат АИ-92 бензині Петропавлда (литріне 184 теңге), Астанада (литріне 182), Жезқазғанда (литріне 182) және Қостанайда (литріне 182) сатылды.

АИ-95/96 Қостанайда (литріне 222 теңге), Петропавлда (литріне 217) және Алматыда (литріне 215) қымбат.

АИ-98 маркалы бензин Павлодар (литріне 242 теңге), Қостанай (литріне 238 теңге) және Алматы (литріне 235 теңге) тұрғындары үшін ең қымбат болды.